Gandhidham cocaine Breaking : પૂર્વ કચ્છ પોલીસે મીઠી રોહરની દરિયાઈ ખાડી પાસે પડેલું બિનવારસુ 800 કરોડનું 80 કિલો કોકેન પકડ્યું

WND Network.Gandhidham (Kutch) : લાંબા સમયથી ગુજરાતના સરહદી જિલ્લા કચ્છમાંથી એક બે પેકેટ ચરસના મળી આવ્યાનાં નાના સમાચાર વચ્ચે પૂર્વ કચ્છની પોલીસે ગુરુવારે બપોરે મીઠી રોહરની દરિયાઈ ખાડી વિસ્તારમાંથી 800 કરોડનું કોકેઈન પકડી પાડ્યું હતું.

પૂર્વ કચ્છના એસપી સાગર દ્વારા આપવામાં આવેલી વિગતો મુજબ, માદક પદાર્થની ડિલિવરી થવાની ટિપ્સ વચ્ચે ગુરુવારે બપોરે લોકલ પોલીસે મીઠી રોહર વિસ્તારની ખાડીમાંથી બિનવારસુ હાલતમાં પડેલા કોકેઈન જથ્થાને કબ્જે કર્યો હતો. આંતરરાષ્ટ્રિય બજારમાં જેની કિંમત 800 કરોડ રૂપિયા જેટલી થાય છે તેવો આ 80 કિલોનો માલ કોણ જેવી રીતે અહી લાવ્યું તેની પોલીસ તપાસ કરી રહી છે