Kutch Kera Mundra Road Accident : કચ્છમાં કેરા મુન્દ્રા રોડ ઉપર ગંભીર અકસ્માત, સાત વ્યક્તિના મોતની સંભાવના, ખાનગી બસ અને ટ્રેલર વચ્ચે થયેલી ટક્કરને લીધે એક્સીડેન્ટ થયો

WND Network.Bhuj (Kutch) : કચ્છ (Kutch)માં શુક્રવારે સવારે એક ગંભીર માર્ગ અકસ્માતમાં ઘટના સ્થળે જ સાત લોકોનું મરણ થયું હોવાના સમાચાર પ્રાપ્ત થઇ રહ્યા છે. ભુજ પાસે આવેલા માનકુવા (Mankuva) ના મુન્દ્રા - કેરા (Mundra - Kera Road) રોડ ઉપર બાબીયા ગામ પાસે એક ખાનગી બસ અને ટ્રેલર વચ્ચે ટક્કર થવાને લીધે ગમખ્વાર અકસ્માત સર્જાયો હોવાનું જાણવા મળી રહ્યું છે. એક્સીડેન્ટમાં મૃત્યુ પામનારા અને ઘાયલ લોકોની સંખ્યા વધી શકે છે. પોલીસ અને વહીવટી તંત્ર દ્વારા તાબડતોડ કાર્યવાહી કરવામાં આવી રહી છે. ઘાયલોને ભુજની જી.કે.જનરલ હોસ્પિટલમાં ખસેડવામાં આવી રહ્યા છે. જો કે મૃત્યુ આંક વિષે હજુ સુધી કોઈ સત્તાવાર જાહેરાત કરવામાં આવી નથી.